La parola calendario la riva dal latìn “calendarium”, on rejistro dove che vegneva iscriti i pagamenti dei intarèsi o la restitusión dei capitali dei prestiti, che de solslito se faxeva al primo dì dei mexi dei romani, le “calende”.
Se vardemo indrìo, i xe sta on mucio i calendari e i capodano che, intei secoli, i popoli i ga doprà: pai Grèsi l’ano el comisiava inte la seconda metà de Lujo; pal calendario lunare dei cinexi el capodano el se festeja fra el 21 de xenaro e el 19 de febraro e in mexopotamia, par fare on fià de exenpi, l’ano el scomisiava co’l plenilunio de primavera.
El capodano de la Republica Serenisima de Venesia el se selebrava invese el 1° de Marso. Sta data la xe antica: pare difati che la fùse on vecio capodano europeo e anca l’inisio de l’ano relijoxo inte l’antica roma, che lo ga ‘bandonà inte’l 153 a.C. Intorno a l’ano 1000, ciamà “stile veneto”, el vién adotà dal Ducato Veneto. Par 8 secoli el primo de marso el sarà el capodano dei Veneti, fin a l’arivo de Napoleón inte’l 1797.Da qualche tenpo a sta parte se sta pensando de “rianimare” el capodano veneto grasie in particolare a l’inpegno de Bepìn Segato e altri grupi culturali veneti. Xe nato cusì el “comitato par le bele costumanse venete”, par la promosión del Capodano del Primo de Marso..
Da parte nostra ritegnemo de sicuro inportante recuperare sta nostra tradisión, na richésa in pì che i veneti i se sta rapropriando.
ADESSO SE FESTEGIA EL 1 MARZO -2014
IN OSTERIA ROBEVECIE…
SITO VENETO? PRENOTA!!!!!! ALL’OSTE -0424 394357
Caricamento in corso ...